११ कात्तिक, बार्सिलोना । शनिबार बार्सिलोनाको प्रसिद्ध पर्यटकीय स्थल साग्रादा फामिलियाको परिसरमा नेपाली गीत-संगीत गुञ्जिरहेको थियो। राष्ट्रिय झन्डा बोकेका बालबालिका, परम्परागत पहिरनमा सजिएका महिला र नेपाली परिकारका स्टलमा देखिएको चहलपहलले त्यहाँ नेपाली समुदायको उपस्थिति झल्काउँथ्यो। यही माहोलमा किशोरी लिदिया भुर्तेल भुसालले अंग्रेजीमा नेपालबारे बोल्दै विदेशी दर्शकलाई विपत्ति र संकटका समाचारबाट मात्रै देशलाई नचिन्न आग्रह गरिन्।...