रूसबाट तेल खरिद गर्ने देशमाथि भारी भन्सार महसुल लगाउन अमेरिकी राष्ट्रपति डोनाल्ड ट्रम्पलाई अधिकार दिने नयाँ कानुनले भारतलाई फेरि अप्ठ्यारोमा पारेको छ। युक्रेन युद्धका लागि रूसले प्राप्त गर्ने ऊर्जा आम्दानीमा दबाब बढाउने उद्देश्यले अमेरिकी संसदले पारित गरेको कानुनमा रूसी तेल तथा ग्यास खरिद जारी राख्ने देशका सामानमा १०० प्रतिशतसम्म भन्सार महसुल लगाउन सक्ने अधिकार ट्रम्पलाई दिइएको छ।