पूर्व बेलायती प्रधानमन्त्री सर केयर स्टार्मरले होलबोर्न एन्ड सेन्ट प्यानक्रास क्षेत्रबाट सांसद पदबाट समेत राजीनामा दिने घोषणा गरेका छन्। उनले अब अन्तर्राष्ट्रिय मामिला, रक्षा, सुरक्षा, व्यापार र प्रविधि लगायतका क्षेत्रमा काम गर्ने बताएका छन्।

सन् २०१५ देखि उक्त क्षेत्रको प्रतिनिधित्व गर्दै आएका स्टार्मरले सांसदका रूपमा सेवा गर्नु आफ्नो लागि “ठूलो सम्मान र सौभाग्य” भएको बताउँदै अब नयाँ पुस्तालाई जिम्मेवारी हस्तान्तरण गर्ने सही समय आएको बताएका छन्।

उनले महिला तथा बालिकाविरुद्ध हुने हिंसा अन्त्य गर्ने अभियानलाई पनि निरन्तरता दिने बताएका छन्।

स्टार्मरको राजीनामासँगै होलबोर्न एन्ड सेन्ट प्यानक्रासमा उपनिर्वाचन हुने भएको छ। उक्त क्षेत्र लामो समयदेखि लेबर पार्टीको बलियो गढ रहँदै आएको छ। सन् २०२४ को आमनिर्वाचनमा स्टार्मरले ११ हजारभन्दा बढी मतको अन्तरले जितेका थिए।

तर, आगामी उपनिर्वाचनमा ग्रीन पार्टीले कडा चुनौती दिने अपेक्षा गरिएको छ। ग्रीन पार्टीका नेता ज्याक पोलान्स्की पनि उम्मेदवार बन्न सक्ने संकेत पार्टीले दिएको छ।