पार्टीको रक्षा र गलत नीतिको पक्षपोषण गर्नु एउटै कुरा होइन। गलत नीति, गलत नेताको पक्षपोषण गर्दा अन्ततः त्यसले पार्टीलाई नै डुबाउँछ। भदौ २४ बाट चेत्नुपर्थ्यो कि सरकारमा जानु र कोही प्रधानमन्त्री, मुख्यमन्त्री या मन्त्री हुनु नै पार्टीको सफलताको सङ्केत होइन। त्यसैले यो आत्ममन्थनको समय हो। यतिबेला विगत ३५ वर्षका नीति र नेतृत्वको निर्मम समीक्षा गर्ने समय हो, सङ्गठनका थुरहरू झार्ने समय।