काठमाडौं – भन्सार विभागले सार्वजनिक गरेको पछिल्लो नेपाल व्यापार तथ्याङ्क अनुसार, भारत नेपालको सबैभन्दा ठूलो व्यापार साझेदारको रूपमा कायम छ। २०८१/८२ आर्थिक वर्षको भदौ मसान्तसम्म नेपालको व्यापार घाटा २३७.४५ अर्ब रुपैयाँ पुगेको छ।
हाल नेपालले १४५ देशहरूसँग व्यापार सम्बन्ध राखेको छ, तर तीमध्ये १०० भन्दा बढी देशहरूसँग व्यापार घाटा छ। छिमेकी देशहरू भारत र चीनसँग सबैभन्दा ठूलो व्यापार घाटा रहेको छ। भारतसँग १४४.६७ अर्ब र चीनसँग ५१.८० अर्ब रुपैयाँको व्यापार घाटा छ।
नेपालले भारतमा विद्युत, राल, कृषि उत्पादन, धागो, पश्मिना, छाला, हस्तकला, चाँदी र सुनका गहना निर्यात गर्छ। भारतबाट पेट्रोलियम पदार्थ, रासायनिक मल, नुन, चिनी, चामल, सवारी साधन, तामा, र कपासजस्ता वस्तुहरू नेपालमा आयात हुन्छन्।